Заборавен пост :)

Многу време откако не сум пишал, не дека немам време но многу малце седам на компјутер,изминативе месеци беа супер,многу се работеше на карпата има многу заинтересерини што е најбитно за нашиот спорт така да работава се движи полека но сигурно, покрај работата на карпата не сум отишол на качување многу а и помалце тренирам но нели се во интерес на спортот.Изминатава недела бевме во Демир Капија со Ненад Матич и компанија па качувавме малце но за мој "к`смет" се погодија најжешките денови од месецов па скоро и да лежев по цел ден, па еден ден малце во Солун на бањаре, па потоа кај Томи на журка па така ептен опуштено проаѓаат деновите но полека полека се враќам во форма,почнав да качувам и на вештачката карпа па здравје додека да залади малце би требало да сум во Топ форма. тоа е тоа кратко а јаснo :)

Wild Climb

Во Вертикал Спорт има нови модели на патики од марката WILD CLIMB, сите модели се со најквалитетната гума за патики за качување VIBRAM која ја користат сите најдобри производители на патики за качување,материјалот со кој се опшиени е кожа што придонесува до подобро оформување према стапалото.



I Must- патики за качување многу тешки насоки голема со прецизност на врвот на прстите.








Bat- патики со асиметрична форма,се препорачуваат за напредни качувачи.









Bat Lady- Иста технологија и перформанси како и BAT, имаат само женски бои.









Spider-Патики кои се препорачуваат за болдер, но исто така се многу добри и за тешки насоки кои бараат заглавување пета и прсти.









Triplex-Екстремно добри патики за секаков тип на качување(болдеринг,насоки на природна и во вежбална)










FIRE- Модел наменет за луѓе кои саат покомотни патики кои, се препорачуваат за традиционално качување на полесни насоки.










Sky-И овој модел исто се препорачува за традиционални односно долги насоки кои бараат комотност при користењето.









First Step- Патики наменети за деца и почетници.










Топ Патики за Екстремно качување, повелете во Вертикал Спорт да си го одберете вашиот модел.

Балканско Првенство

Уште неполни 3 дена ќе започне Балканското Првенство, ние веќе турбо работиме за да се` да биде Топ организирано.
Стазите почнавме да ги местиме и лично се надевам на многу места на пиедесталот за нашите натпреварувачи.


еве го постерот за натпреварот изработен од нашиот Јован Иванов.

се гледаме :)

Качување во Демир Капија и на новата карпа

Минатиот викенд на еден ден случајно отидов до Демир Капија да си ги земам комплетите кои ги имав оставено од велигден на забушант.Сосема неочекувано стигнав до крај на смерот и паднав на едно движење пред крај, така да остана за следниот пат!!! Бидејќи никој не остана во Демир Капија дојдов во Скопје па тренирав на големата нова карпа, да ја запознаам подобро за да може стазите за натпревар да бидат добри.Направив и некоја насока на така да има сега полно насоки да се тренира до пред Балканското за сите кои се јуниори.Карпата е лудница и е супер долга уствари скоро како без крај,конечно има добро место за супер тренинг.

еве една слика од карпата и видео од Забушант(фала на моте и грета за сликата и видеото)

Многу убав Велигден

За Велигден традиционално ми стана да одам во Демир Капија,оваа година имаше многу качувачи.многу позитивна енергија и секако тука беше обеќаното јагне :) кое додека го испековме излезе голгота, али викаат колку повеќе се мачиш толку е повкусно. Исто така нашиот клуб организиравме и Рок Трип Маратон каде луѓето се здробија од качување на новите и стари смерови.
На рок трипот победија Томи и Ичи втори беа нивните бечни ривали Моте и Марјан а трето беа Греет и Марјан џокер (цепорекс), а исто и фамија Трповски доби диплома за најдобар фамилијарен резултат ( картончето се гледа дека се убиле од качување).После прогласувањето се јадеше тешко испеченото јагне и имаше супер забава каква што немало одамна во Калабастер. Јас не качував нешто посебно многу, ама таква е организаторската работа. :)

Качување болдер во Прилеп

Минатиов викенд бевме на болдер во Прилеп (традиционално),само што годинава имаше многу луѓе и беше супер,се качуваше како никогаш досега на болдер.Видовме што качувале словенците и голем дел од тоа качив и јас а и многу други,така да не се многу пред нас само треба да стегнеме г`з и да тренираме. Во саботата вечерта имаше журка која беше лудило :) Дефинитивно Прилеп и тој сектор ( камена баба) го ставам во календар за секоја моја наредна качувачка година.

Тренинг,Празници и Сестра ми во Јужна Америка

Минатиов месец ми беше полн со активности колку спортски и толку "неспортски".Поголемиот дел од времето го поминував во Скопје каде што тренирав со луѓето од Екстрем,конечно салата на Машински ја отворија па тренирав и таму.
Што е најбитно почнавме да работиме на филмот за Спортско Качување,теасерот го снимивме и е супер (во некој следен пост ке го закачам и него), здравје па во мај ке почне да се работи и на филмот.
Е сега сестра ми Билјана беше на Аконкагва минатиов месец и не успеа да се качи,искерено добра школа е тоа,сепак врвот ке остане таму па ке може да оди пак.

Среќна Нова 2011

На сите Качувачи нека им е среќна новата 2011 г. многу нови искачени насоки,здравје пред се` и упорност.
Ќе се радуваме на новите успеси заедно во 2011 г.

Вардарска Сахара качување

На еден ден поточно на неколку саати со Владо и Кленов бевме да ги пробаме смеровите во новиот сектор,да видиме дали сме завршиле добра работа.Качивме 4 смера (Руски Јапонец 6а+, Свинско Ребро 6б+/ц, Колибри 6а+ и ФенШуи 7а).Смеровите се супер долги со многу поразлични движења од другите смерови низ Македонија.ДОБРА РАБОТА е завршена со правењето на овие смерови !!! До сите кои ќе качуваат таму обавезно тој што осигурува да носи кацига на полесните смерови (бидејки се кршат мали факалишта) и по можност да си земат челична четка за да си чистат факалишта.

Екшн Комплет !

Проектот за отворање на нови насоки на карпата десно од тунелот во Демир Капија заврши супер,многу насоки од секакви тежини(6а+ до 7c/+).Секторот го крстивме Вардарска Сахара бидејќи кога има сонце е дефинитивно многу топло и може да се качува цел ден а и по малце понесени од импресиите од Мароко :) . Сега има 21 насока за кои потрошени некаде околу 300 експанзиони клинови, сите насоки се една до една исто како светските качувалишта,оваа акција е можеби најголемата до сега од сите предходни за некаде 15 дена се направени сите насоки, по нашки се искинавме од работа за се да биде како што е сега. Карпата се исчисти најмногу што можеше од камења(сипарот под карпата е се што сме чистеле плус и многу камења во Вардар). Сега секторот чека качувачи да ги качат сите насоки бидејќи ниту една не е искачена уште.

Овие насоки немаше да бидат тоа без Александар Кленов(саша),Кире Серафимовски(баце кирца) и Владимир Трповски (баце владо).
Фала и до Вертикал Спорт кој помогна како и секогаш со опрема за овој настан,
од Саша фала до ЗипТравел кој му обезбеди билет до Македонија и назад.

Акција Демир Капија

Акцијата во Демир Капија започна,до денес во новиот сектор кој се наоѓа од десната страна пред влезот во тунелот на жолтата карпа,до денес има 11 насоки од сите тежини (од 6а+ до 7б+?),сите насоки се околу 30 метри а има и 3 насоки кои се со две должини на јаже (50 метри).Секторот ќе биде супер за во зима бидејќи е цел ден на сонце (може да се качува по кратки ракави).Ако изджи времето со оваа темпо до крајот на акцијата секторот ќе биде полн со насоки за сите и што е најубаво сите ќе може да качуваат во близина и што е најбитно на топло :)

Спортски Поздрав


п.с. слики ќе има во следниот пост

Трофеј на град Белград

Викендот 6-7 во Белград се одржа јуниорски натпревар кој е традиционален веќе последниве 6 години и го организира нашиот пријател Александар Брборобич (БРБА).На натпреварот местев стази за тежинското и десетина болдер стази.Натпреварот пројде супер сите деца беа задоволни и среќни, беше убава глетка да се види како младите качуваат и се трудат.Нашите од Македонија Виктор и Давид поминаа супер(Виктор 2-ро,Давид 6-то).После овој убав помин во Белград се селам во Демир Капија спремен за правење многу насоки заедно со Владо и Кленов планираме да направиме "решето" некаде околу 30-тина насоки само ако не послужи времето (стискајте палци да издржи времето и потоа ќе има насоки за сите).

Мароко !

Клајмерската експедиција Мароко заврши,од топлата африка се вративме со многу спомени добри и лоши со многу искуство со малце качување и многу нови запознаени луѓе.Иако ни тргна лошо уште на почеток па се така до крај ние екипата снова успеавме до крај да останеме весели,да се забавуваме да видиме многу работи,да пробаме и џус од немиени чаши,да се јаваме камили,да однесеме дожд во Сахара а богами и поплава невидена во Тодра, сума сумарум мене ми беше супер само да не послужеше времето малце повеќе да качуваме секој ден, не качив нешто особено многу тешко и качував повеќе онсајт каде најтежок онсајт ми беше 7б а најтежок редпоинт 7c/+, би им препорачал на сите кои сакаат да качуваат таму да отидат бидејќи толкав кањон немам видено до сега само ке им треба многу време да ги пронајдат насоките и да се снајдат во водичот кој инаку е на рака цртан.Исто и смеровите се лудница некаде има многу клинови без везе ставени а каде што треба нема по 3-4 метри па и повеќе па дури и на почетоците на некои смерови првиот клин е на 5-6 метри. Бевме и во Маракеш,Казабланка,Мерзуга,Рабат и некаде на Атлантски океан,има таму многу да се види! Толку од извештајот од Мароко !!!


п.с. Во Вертикал Спорт има нови патики од Wild Climb кои ги тестирав во Мароко и се ЕКСТРА а и цената им е џабее,одете проверете!

Рок Трип Демир Капија

На 10.10 во мојот омилен локалитет се одржа Рок Трип натпревар кој воедно беше и меѓународен имаше гости од србија меѓу кои беше и младата Сташа Гејо која инаку е европски првак во сите дисциплини,па една вечер поминавме со презентации од нејзините натпревари победи и порази од нејзините многу тешки искачени смерови.Немав многу прилика да ја гледам како качува но ваљда некој следен пат.Е сега да кажам дека со Лиде бевме пар на рок трипот и победивме убедливо со можеби 1000 поени разлика и качувавме до вечер а последниот смер го качив во темница без челна лампа и беше најлудата работа направена досега од мене иначе смерот беше 7а+/б,сватив дека ние качувачите уживаме во мачење... Плус и беше ладно како никогаш досега,исто имаше и луѓе како во добрите лета пред неколку години,беше убаво да се види толку народ таму после толку време :)

слики ке има кога ке добијам.

Матка

Предходниот викенд имавме извонредно време на Матка и качувавме 3 дена под ред каде се качи се и сешто,заедно со Владо,Здрле,Лиде и скоро цел екстрем,од многу сонце тие денови дури и се исончавме.Ги качував скоро сите смерови на св. Никола Шишевски го качив и Види Поскок кој викаат дека е 7б и тотално не е мој стил на многу мали фаќалишта.Следниот ден со Лиде "заглавивме" на Панчев каде се туткавме на сидришта,повеќе време губевме во средување опрема на сидришна него ли во качување,ама го спукавме без проблеми,со Владо качувавме некој смер Нина на ковани клинови и на тој смер супер си пројдов .Супер качување со многу добри луѓе!